悲しい

巴士車長一生

九巴員工如戰俘, 做到接近無氣呼。 同工雖然不同酬, 都係做到成仔狗。
六十工時每星期, 親朋好友出分歧。 蛇車兩味我來做, 家庭關係一面倒。
加薪比起通漲少, 九巴高層均欠小。 雙腳抽筋起哂沈, 為求生存要識諗。
補八蛇車六仔返, 出少d 糧上面慳。 事無大小寫紅仔, 去見主任要諗計。
主任話你錯就錯, 上頭釘實唔好過。 顧客投訴無喱頭, 坐館收証理由夠。
用膳時間三十分, 公司福利九成坤。 公司收入有增長, 唯獨車長無命享。
站頭廁所九里遠, 行到未賴腳都軟。 巴士呔重迫力硬, 揸到手痛屎忽難。
公司自跨有進步, 事事做到無樣好。 虧待員工人人知, 信佢一成係白痴。
風雨不改有服務, 發生意外無人保。 編休要去聽講座, 鋤多兩日唔係錯。
開假規則不會變, 唯有去搵楊永堅。 安全駕駛人人求, 九記雞蛋搵骨頭。
區長柯打你要聽, 四處調走好快釘。 天時暑熱揸熱狗, 搞到有氣無定抖。
行車時間永無夠, 食飯時間肯定扣。 無前無後我來受, 轉轉頂閘客問候。
人人上車唔遞手, 個個追車慢慢抖。 落車永遠唔按鐘, 日日被插要變通。
巴迷成日搞搞鎮, 違規行為多到暈。 跟車免費口水多, 司榑上車我坎坷。
鎮長上車似蝸牛, 同胞車上高聲吼。 稽查老二放狗屁, 我地天天被出氣。
的士小巴好鬼惡, 返工等如搵命博。 前車條友打大走, 後車一陣就爬頭。
交通問題一定有, 填氹時該我留守。 即捕即解腳仔軟, 鑊鑊跑到氣都嚅。
粗口問侯不還口, 拳打腳踢不還手。 貴客上車癲如狗, 批評投訴不絕口。
危險駕駛隨時有, 洗定羅友壁屋授。 入去會會自己友, 條件還比九記優。
全家開支由我頂, 轉行才會有好景。 六十歲後可被難, 宴會好友無得慳。



巴士車長的一生回話

甚 麼叫锄假=看医生。楊永堅是九巴一位离職医生,因九巴張医疗轉到卓健,楊医生又细心又知車長的辛苦，他知司機的3時上班或夜2時下班又要轉班。車廂要冷氣 不足，九巴高層又無人性管理,現左都是30分鐘吃飯，新城巴都1小時，九巴高層同冩字楼自已吃飯吃1小時。所以外便的医生不知車長的辛苦,所以失眠或小無 病外便的医生不了解我們的苦处，10個車長6個失眠。九巴的管理是富仕康式.所以車長不玩自殺，個個玩儉查身体，因政府也叫司机儉身,現在個個也找医生玩 体儉然後休息21天。就退休的休息28天也不用練習才上回車，個個健健康康入九巴退休前也验身验的仔仔细细,才退休.所以現在人人會健康入九巴又健康离九 巴玩都100歲。

一家四口，仲要供樓，全家開銷，我來承受，
前車條友，越放越有，後車老友，尾站扑頭，
交通阻塞，周不時有，前車掉頭，後車私走，
重要關頭，由我留守，即到即走，依然豐收，
無前無後，跑到作嘔，貴客上車，狀似癲狗，
瘋狂問候，爆晒粗口，打不還手，罵不還口，
笑容要夠，烚熟狗頭，專人教授，你要遵守，
公司要求，服務一流，貴客坐車，唔慣遞手，
追車行頭，七八十九，八十之後，慢似蝸牛，
見你等候，仲要抖抖，的士小巴，心腸壞透，
繁忙路口，停車等候，吼你抽頭，佢就加油，
比佢行頭，故意慢溜，逆來順受，唔好發嬲，
任何投訴，公司拉受，認錯死狗，答辯理由，
阿吱阿咗，另謀高就，行車時間，主任話夠，
若然唔夠，食完飯扣，一不小心，洗定羅友，
剃個光頭，赤柱來授，收証停工，大堆理由，
唯有自救，苦苦哀求，面子尊嚴，全拋腦後，
現實底頭，只為糊口，生活壓力，人人都有，
向天祈求，多福多壽，捱到六拾，光榮退休，
擺幾圍酒，宴請好友，各位同僚，記得浦頭，
又係時候，公園放狗！